Meninger Dette er et debattinnlegg. Innlegget gir uttrykk for skribentens holdninger.
Drammen er ein vakker by. Difor blei byen vald ut som destinasjon med to overnattingar på vår tur. Vi var fire personar i reisefølget og tok inn på Qyality Hotel River Station. Flott hotell med fine rom og vennleg personale. Vi blei anbefalt parkering i Blichs Parkeringshus for langtidsparkeringa, og å stå på parkeringsplassen ved krysset Webergs gate og Dr. Hansteinsgate når vi skulle bære inn koffertane våre.
Eg tok ut billett på korttidsparkeringa og etter å ha gjort ferdig innsjekkinga kjørte eg bilen opp i Blichs parkeringshus. Alt var i skjønneste orden. Vi nytta dagane våre godt i Drammen, og var stornøgde med det vi fekk sjå og vera med på.
Utsjekkingsdagen, laurdag 7. august, henta eg bilen i parkeringshuset, fann same ledige plassen ved Webergs gate, tok ut billett kl. 10:16 for 13 minuttar for å henta reisefølget og våre koffertar. Billetten var plassert godt synleg under clips på frontruta. Då eg kom tilbake til bilen etter 5-6 minutt såg eg at det gjekk ein mann ved bilen. Han spurde om det var min bil. Eg bekrefta dette, og etter kvart forstod eg at han var i ferd med å gi meg parkeringsgebyr.
Eg viste til lappen på frontruta med parkering betalt fram til kl 10:29. Han sa at det var henta ut billett frå feil automat, og at det eg hadde betalt parkering for gateparkering i Webergs gate, ikkje plassen. Eg peikte på automaten eg hadde henta billetten, men han sa berre at det var feil automat. Eg spurde kvar automaten stod som eg skulle ha nytta. Han peikte i same retning som automaten eg hadde brukt var, medan han fortsette med å skrive på brettet sitt.
Eg sa at eg ikkje kunne sjå nokon annan automat. Han tok meg då med bak ein konteinar for innsamling av klær, Fretex eller kva det var, og voilà - der stod det jaggu meg ein automat eg ikkje hadde sett.
Det som forargrar meg er at betjenten etter alle solemerker å dømme må ha sett meg når eg gjekk og henta billett på den kommunale automaten, og venta til eg var komen bort til hotellet (1 minutt å gå) og så starta sitt arbeide. Min billett er trykka ut kl 10:16 og betjenten starta prosessen kl. 10:17. Om dette er tilfelle vil eg kalle det slett kundebehandling.
Han har sikkert ikkje opplysningsplikt, men om han såg meg, burde han ikkje sagt frå til meg om at eg kom frå feil automat? Eg har betalt gebyret, men dette var skikkeleg surt. Eg var sikker på at eg hadde gjort alt rett. Vi hadde eit flott opphald i Drammen, men avslutninga kunne ha vore litt betre. Eg har skrive mail til Park Nordic den 11. august og forklart situasjonen men har pr. no ikkje mottatt noko svar.
Manuel betalte for parkeringen – fikk likevel bot
Én tastefeil var alt som skulle til. Nå må Hassan betale: – Sint og skuffet
